उद्या फैसला! अमरावती शिक्षक आमदाराची खुर्ची कोणाला? १४ टेबलवर मतमोजणी!

अमरावती, बुलढाणा: न्युज महाराष्ट्र लाईव्ह 

अमरावती विभाग शिक्षक आमदार निवडणुकीची मतमोजणी उद्या पार पडणार असून प्रशासनाकडून मतमोजणीची सर्व तयारी पूर्ण झाली आहे. या मतमोजणीसाठी एकूण १४ टेबल लावण्यात आले असून दुपारपर्यंत पहिल्या पसंतीच्या मतांचा कौल स्पष्ट होण्याची शक्यता वर्तवली जात आहे.

मतमोजणी प्रक्रियेला गती देण्यासाठी आणि पारदर्शकतेसाठी १४ टेबलची व्यवस्था करण्यात आली आहे.

 मतमोजणी सुरू झाल्यानंतर दुपारपर्यंत पहिल्या पसंतीची मते कोणाच्या बाजूने झुकत आहेत, याचा प्राथमिक अंदाज समोर येईल.

 मतमोजणी केंद्रावर कोणताही अनुचित प्रकार घडू नये यासाठी पोलिसांचा चोख बंदोबस्त तैनात करण्यात आला आहे.

या निवडणुकीत विविध संस्थांचे आणि राजकीय पक्षांचे उमेदवार रिंगणात असल्यामुळे विजयाची माळ कोणाच्या गळ्यात पडणार, याकडे संपूर्ण विभागातील शिक्षकांचे लक्ष लागले आहे.